Mbappe millimizlə oyunu buraxa bilər
“Real”ın hücumçusu Kilian Mbappe ardıcıl 2-ci gündür ki, Fransa millisinin məşqlərini buraxır. Msport.az xəbər verir ki, Didye Deşamın komandası DÇ-2026-nın seçmə mərhələsində oktyabrın 10-da Azərbaycan, 13-də isə İslandiya ilə qarşılaşacaq.
26 yaşlı forvard şənbə günü İspaniya La Liqasında “Vilyarreal”la oyunda zədə almışdı. O, 81-ci dəqiqədə fərqləndikdən sonra zədə səbəbindən meydanı tərk etmişdi.
“Liverpul”un mərkəz müdafiəçisi İbrahima Konate də məşqə qatıla bilməyib.
