featured-image-85120

İmişli” Azərbaycan Premyer Liqasının XII turunda Yevlax şəhər stadionunda “Zirə” ilə 2:2 hesablı heç-heçə edib.

Msport.az xəbər verir ki, nominal meydan  sahiblərinin baş məşqçisi Ervins Perkons matçdan sonra oyunu dəyərləndirib:

– İki fərqli hissə oldu. İlk yarı istədiyimiz kimi alınmadı. Hücumda təzyiq göstərə bilmədik. Oyunçular üzərlərinə düşən fiziki tapşırığı tam yetirə yetirə  bilmədilər. Taktiki səhvlər də var idi. İkinci hissə daha yaxşı idik. Sonradan meydana girən futbolçular oyunumuza güc qatdılar. Taktiki düzülüşü dəyişdik. Onların sayəsində daha yaxşı oynadıq. Hesabda geridə olanda ruhdan düşmədik. Bilirdik ki, qol vura bilərik. Hamı buna inanırdı. Buna görə də qol vurduq. Minimum 1 xal qazanmağa layiq idik. Təbii ki, məqsədimiz 3 xal qazanmaq idi. Amma oyunun gedişinə görə 1 xal da pis nəticə deyil.

– “İmişli” yeganə komandadır ki, milliyə futbolçusu çağırılmayıb. Sizcə, komandanızda milliyə layiq futbolçular var?

– Millinin baş məşqçisinin öz qərarları var. kimin çağırılacağını o müəyyən edir. Komandamızda olan yerli futbolçuların hamısı yığmaya çağırılmağa namizəddir. Bu gün start heyətində yer alan oyunçular millidə oynamaq potensialına malikdirlər. İkinci hissədəki oyunu göstərsələr, öz üzərlərində işləsələr, yığmaya çağırıla bilərlər. Milli komandanın baş məşqçisi ilə bu barədə danışmamışam. Amma futbolçularla danışmışam. Onlara demişəm ki, milliyə çağırılmamağınız sizin üçün motivasiya olmalıdır. Hər oyunda səy göstərmək, bütün gücü meydanda qoymaq lazımdır. Həmçinin stabil oynamaq lazımdır.

Bənzər xəbərlər