Millimiz Albaniya ilə bu stadionda qarşılaşacaq
Azərbaycan milli komandasının Albaniya yığması ilə keçirəcəyi yoxlama oyununun yeri və başlama saatı məlum olub. Msport.az AFFA-nın rəsmi saytına istinadən xəbər verir ki, görüş Macarıstanın Sombattxey şəhərində olacaq.
8903 tamaşaçı tutumuna malik “Haladas” stadionunda keçiriləcək Albaniya – Azərbaycan matçı iyunun 7-də Bakı vaxtı ilə saat 21:00-da start götürəcək.
Qeyd edək ki, Albaniya yığması Avro-2024-ün final mərhələsində çıxış edəcək.
