Millimiz mövqeyini qoruyacaq - FIFA reytinqində
Azərbaycan millisinin FIFA-nın iyul reytinqindəki mövqeyi bəlli olub.
Msport.az xəbər verir ki, ekspertlər yığmamızın xalı və yerinin dəyişməyəcəyini proqnozlaşdırır.
Komandamız indiki kimi 1179,88 xalla 111-ci pillədə qalacaq. Buna səbəb yığmanın və qonşu pillələrdəki komandaların heç bir matça çıxmamasıdır.
Düzdür, AVRO-2024 və Amerika kuboku bir sıra dəyişikliklər vəd edir. Amma bu turnirlərin iştirakçıları daha yüksək pillələrdə qərarlaşıblar. Dəyişikliklər də əsasən “Top-100”də olacaq. Okeaniya Millətlər Kubokunun iştirakçıları isə daha aşağı sıralarda yer alıblar.
Qeyd edək ki, FİFA-nın son siyahısı iyunun 20-də açıqlanıb.
