"Neftçi"də yeni məşqçi - RƏSMİ
“Neftçi”də yeni məşqçi təyinatı reallaşıb. Msport.az klubun rəsmi saytına istinadən xəbər verir ki, Boqdan-Kornel Merişanu Samir Abasovun korpusunda yer alacaq. Rumıniyalı mütəxəssis fiziki hazırlıq üzrə məşqlərə cavabdeh olacaq.
Qeyd edək ki, Boqdan-Kornel Merişanu 2022-ci ilin iyunundan 2023-cü ilin iyununadək paytaxt klubunda işləyib və həmin dönəmdəki baş məşqçi Laurentsiu Regekampfın köməkçilərindən olub.
O, “Neftçi”dən başqa Rumıniyanın “Poli Timişoara” (2012-2016), “Universitatya Krayova” (2021-2022, 2023), Səudiyyə Ərəbistanının “Əl Vehda” (2018), “Əl Əhli” (2021), “Əl Tai” (2023-2024), BƏƏ-nin “Əl Vəsl” (2019-2021), Tunisin “Esperans” (2024) klublarında və Rumıniya U-21 milli komandasında (2016-2018) çalışıb.
