"Neftçi" - "Qarabağ" oyununun yeri dəyişdirildi
Azərbaycan Premyer Liqasının 7-ci turu çərçivəsində keçiriləcək “Neftçi” – “Qarabağ” oyununun yeri dəyişdirilib. Msport.az xəbər verir ki, bu barədə PFL məlumat yayıb.
“Neftçi” “Neftçi Arena”da təmir və yenidənqurma işləri başa çatmadığına görə klub 7-ci turda “Qarabağ”a qarşı keçirəcəyi ev oyununun məkanının dəyişdirilməsi ilə bağlı Peşəkar Futbol Liqasına rəsmi müraciət edib. “Neftçi Arena”da aparılan təmir işlərinin yekunlaşmadığını, “Neftçi” klubunun rəsmi müraciətini, “Qarabağ” klubunun rəsmi razılığını rəhbər tutan Peşəkar Futbol Liqası aşağıdakı qərarları qəbul edir:
* Misli Premyer Liqasının 7-ci turunun “Nefçi” – “Qarabağ” oyunu ilə 15-ci turun “Qarabağ” – “Neftçi” oyununun yeri dəyişdirilsin.
* 7-ci turun “Qarabağ” – “Neftçi” oyunu 20 sentyabr saat 20:00-da “Azersun Arena”da oynanılsın.
* Klubların əvəzedici heyətləri arasında baş tutacaq oyunların proqramı əvvəlcədən açıqlandığı kimi saxlanılsın.
