"Neftçi"yə 2 min manat cərimə, "Şəfa"ya texniki məğlubiyyət
AFFA İntizam Komitəsinin növbəti iclası keçirilib.
Msport.az xəbər verir ki, toplantıda Azərbaycan Premyer Liqasının II turunda baş vermiş hadisələrə qiymət verilib.
Azərbaycan Premyer Liqası II tur
22.08.2026-cı il tarixində Azərbaycan Premyer Liqasında II turun “Zirə” – “İmişli” oyununda qonaq komandanın 5 futbolçusu sarı vərəqə aldığı üçün “İmişli” klubu 700 manat cərimə edilsin (maddə 43.1);
23.08.2026-cı il tarixində Azərbaycan Premyer Liqasında II turun “Neftçi” – “Araz-Naxçıvan” oyununda stadionun işıqlandırılmasında yaranan problem səbəbindən matç 4 dəqiqə dayandığı üçün “Neftçi” komandası 2000 manat cərimə edilsin (maddə 60.2);
Əvəzedicilər Liqası I tur
21.08.2026-cı il tarixində Əvəzedicilər Liqasında I turun “Zirə-2” – “Şəfa-2” oyununda “Zirə-2” komandasının 5 futbolçusu sarı vərəqə aldığı üçün “Zirə-2” komandası 70 manat cərimə edilsin (maddə 43.1);
21.08.2026-cı il tarixində Əvəzedicilər Liqasında I turun “Zirə-2” – “Şəfa-2” oyununun 73-cü dəqiqəsində “Şəfa-2” komandasının heyətində adı protokolda olmayan 85 nömrəli futbolçu Murad Fərzəliyev oyuna daxil olduğuna görə “Şəfa-2” komandasına 0:3 hesablı texniki məğlubiyyət verilsin, “Şəfa-2” komandası 500 manat cərimə edilsin (maddə 49);
22.08.2026-cı il tarixində Əvəzedicilər Liqasında I turun “Kəpəz-2” – “Sabah-2” oyununun 79-cu dəqiqəsində “Sabah-2” komandasının 66 nömrəli futbolçusu Əhməd Tanrıverdiyev təcavüzkar davranışa görə birbaşa qırmızı vərəqə aldığı üçün 3 oyun oyuna buraxılmasın, “Sabah-2” komandası 300 manat cərimə edilsin (maddə 45.1).
