Paris-2024: Türkiyə millisindən əzmkar qələbə
Qadın voleybolçulardan ibarət Türkiyə millisi Fransanın paytaxtı Parisdə keçirilən Yay Olimpiya Oyunlarında ilk matçına çıxıb.
Msport.az-ın məlumatına görə, “ay-ulduzlular” C qrupunun I turunda Niderland yığması ilə üz-üzə gəlib.
Görüş Türkiyə komandasının əzmkar qələbəsi ilə bitib – 3:2 (19:25, 19:25, 25:22, 25:22, 15:13).
Milli növbəti oyununu avqustun 1-də Dominikan Respublikasına qarşı keçirəcək.
Qeyd edək ki, Paris-2024 avqustun 11-də başa çatacaq.
