Premyer Liqa: "Neftçi" və "Kəpəz" ilk qələbə arzusunda
Bu gün Azərbaycan Premyer Liqasında VIII turun daha iki oyunu keçiriləcək.
Msport.az xəbər verir ki, günün ilk matçında “Kəpəz” “Zirə”nin qonağı olacaq.
Qarşılaşma saat 17:00-da başlayacaq. Rəqiblərindən bir oyun az keçirən meydan sahibləri 12 xalla 5-ci yerdədir. Hazırda xalı olmayan Gəncə klubu sonuncu-10-cu pillədədir.
Günün digər görüşündə “Neftçi” “Sumqayıt”ı qəbul edəcək. Bu matç saat 19:30-da olacaq. Hələlik qələbə qazana bilməyən paytaxt klubu 4 xalla 9-cu pillədə qərarlaşıb. “Gənclik şəhəri” təmsilçisi 6 xalla 7-ci sıradadır.
Azərbaycan Premyer Liqası
VIII tur
17:00. Zirə” – “Kəpəz”
Hakimlər: Rauf Cabarov, Eyyub İbrahimov, Şirmamed Mamedov, Əli Əliyev
VAR: Əliyar Ağayev
AVAR: Akif Əmirəli
Hakim-inspektor: Ramil Diniyev
AFFA nümayəndəsi: Asif Əliyev
Zirə İdman Kompleksinin stadionu
19:30. “Neftçi” – “Sumqayıt”
Hakimlər: Cavid Cəlilov, Kamran Bayramov, Müslüm Əliyev, Rəvan Həmzəzadə
VAR: Elçin Məsiyev
AVAR: Pərvin Talıbov
Hakim-inspektor: Feyzulla Feyzullayev
AFFA nümayəndəsi: Rüfət Əmirov
“Neftçi Arena”
Qeyd edək ki, ötən gün “Araz-Naxçıvan” “Səbail”i məğlub edib. Turun digər matçları sentyabrın 29-da baş tutacaq.
