Premyer Liqamızda növbəti oyunlar
Azərbaycan Premyer Liqasında XXIX turun daha iki oyunu bu gün baş tutacaq.
Msport.az xəbər verir ki, ilk olaraq “Turan Tovuz” evdə “Sabah”la üz-üzə gələcək. Meydan sahibləri 36 xalla yeddinci, qonaqlar 40 xalla beşinci sıradadır.
İkinci görüşdə çempionluğunu təmin edən “Qarabağ” “Səbail”i qəbul edəcək. “Köhlən atlar”ın 69 xalı var. “Dənizçilər” 36 xalla 6-cı pillədə qərarlaşıb.
Azərbaycan Premyer Liqası
XXIX tur
6 aprel (şənbə)
16:00. “Turan Tovuz” – “Sabah”
Hakimlər: Əliyar Ağayev, Zeynal Zeynalov, Akif Əmirəli, Kamal Umudlu
Hakim-inspektor: Rəhim Həsənov
AFFA nümayəndəsi: Elçin Mehtiyev
Tovuz şəhər stadionu
20:00. “Qarabağ” – “Səbail”
Hakimlər: Nicat İsmayıllı, Vüsal Məmmədov, Asiman Əzizli, Əli Əliyev
Hakim-inspektor: Munis Abdullayev
AFFA nümayəndəsi: Bəhram Qurbanov
Tofiq Bəhramov adına Respublika Stadionu
Qeyd edək ki, ötən gün “Kəpəz” “Araz-Naxçıvan”a qalib gəlib – 2:1. Tura aprelin 7-də yekun vurulacaq.
