Premyer Liqa: "Qəbələ" və "Neftçi"nin ev sınağı
Azərbaycan Premyer Liqasında XXX turun daha iki oyunu bu gün baş tutacaq.
Msport.az xəbər verir ki, matçlardan biri Qəbələdə, digəri Bakıda keçiriləcək.
İlk olaraq “Qəbələ” “Turan Tovuz”la üz-üzə gələcək. Meydan sahibləri 16 xalla sonuncu – 10-cu, qonaqlar 39 xalla 6-cı yerdədir.
Günün digər görüşündə “Neftçi” “Araz-Naxçıvan”ı qəbul edəcək. “Ağ-qaralar” 44 xalla 3-4-cü yerləri bölüşdürürsə, Naxçıvan klubu 32 xalla 8-ci sıradadır.
Azərbaycan Premyer Liqası, XXX tur
13 aprel (şənbə)
16:30. “Qəbələ” – “Turan Tovuz”
Hakimlər: Rauf Cabarov, Rahil Ramazanov, Şirmamed Mamedov, Əli Əliyev
Hakim-inspektor: Babək Quliyev
AFFA nümayəndəsi: Elçin Məmmədov
Qəbələ şəhər stadionu
19:00. “Neftçi” – “Araz-Naxçıvan”
Hakimlər: Əliyar Ağayev, Eyyub İbrahimov, Asiman Əzizli, Vüqar Həsənli
Hakim-inspektor: Ömər Paşayev
AFFA nümayəndəsi: Elman Musayev
“Neftçi Arena”
Qeyd edək ki, ötən gün “Sumqayıt” – “Zirə” qarşılaşması qolsuz başa çatıb. Tura aprelin 14-də yekun vurulacaq.
