Premyer Liqa: "Sabah" yenə xal itirdi
“Turan Tovuz” Azərbaycan Premyer Liqasında “Sabah”la heç-heç edib.
Msport.az xəbər verir ki, Tovuz şəhər stadionunda baş tutan XIV turun oyununda 1:1 hesablı bərabərlik qeydə alınıb.
Görüşdə hesabı meydan sahibləri açıb. 12-ci dəqiqədə Otto Con adını tabloya yazdırıb. “Bayquşlar”a 1 xal qazandıran qolu isə 67-ci dəqiqədə Coy Lens Mikels vurub.
Bu nəticənin ardından Kurban Berdiyevin rəhbərlik etdiyi “Turan Tovuz” 27 xalla üçüncü sırada qərarlaşıb. “Sabah” isə 19 xalla 5-cidir.
Qeyd edək ki, ötən gün “Araz-Naxçıvan” “Kəpəz”i iki cavabsız qolla üstələyib. Tura noyabrın 24-də yekun vurulacaq.
