Premyer Liqa: “Zirə” və “Neftçi” səfər matçına çıxır
Azərbaycan Premyer Liqasında bu gün XIII tura start veriləcək.
Msport.az xəbər verir ki, turun ilk oyun günündə iki qarşılaşma baş tutacaq.
“Kəpəz” Yevlax şəhər stadionunda “Zirə” ilə üz-üzə gələcək. Rəşad Əhmədovun idarə edəcəyi görüşə saat 14:00-da start veriləcək. “Zirə” 23 xalla turnir cədvəlinin 3-cü pilləsində yer alıb. 6 xala malik “Kəpəz” isə onuncudur.
Günün son matçı Tovuz şəhər stadionunda keçiriləcək. “Turan Tovuz” doğma meydanda “Neftçi” ilə görüşəcək. Fərid Hacıyevin idarə edəcəyi matç saat 18:30-da başlayacaq. “Turan Tovuz” turnir cədvəlində 23 xalla ikincidir. Səkkizinci pillədə yer alan “Neftçi”nin isə 15 xalı var.
Qeyd edək ki, XIII tura noyabrın 30-da yekun vurulacaq.
Premyer Liqa
XIII tur
28 noyabr
14:00. “Kəpəz” – “Zirə”
Hakimlər: Rəşad Əhmədov, Akif Əmirəli, Teymur Teymurov, İslam Məmmədov
VAR: Rəvan Həmzəzadə
AVAR: Cəmil Quliyev
Hakim-inspektor: Şahin Cəfərov
AFFA nümayəndəsi: Eldəniz Musayev
Yevlax şəhər stadionu
18:30. “Turan Tovuz” – “Neftçi”
Hakimlər: Fərid Hacıyev, Rəhman İmami, Müslüm Əliyev, Vüqar Həsənli
VAR: Nicat İsmayıllı
AVAR: Rahil Ramazanov
Hakim-inspektor: Babək Quliyev
AFFA nümayəndəsi: Məmmədəli Məmmədov
Tovuz şəhər stadionu
