"Qarabağ" 14 pillə irəlilədi
Beynəlxalq Futbol Tarixi və Statistikaları Federasiyası (IFFHS) dünya klublarının yeni reytinq cədvəlini açıqlayıb.
Msport.az xəbər verir ki, siyahıda 501 klub yer alıb.
Azərbaycan çempionu “Qarabağ” 14 pillə irəliləyərək 96-cı sıradan 82-ci yerə yüksəlib. Digər təmsilçilərimiz “Sabah” 302-ci mövqedən 296-cı yerə qalxıb. “Araz-Naxçıvan” 355-ci yerdən 391-ci yerə, “Zirə” isə 380-ci yerdən 407-ci mövqeyə düşüb.
Qeyd edək ki, siyahıya PSJ başçılıq edir. İlk beşlikdə, həmçinin, “Real Madrid”, “İnter”, “Çelsi” və “Barselona” yer alırlar.
