"Qarabağ" - "Bayer 04" oyununda fransalı hakimlər
UEFA Avropa Liqasının 1/8 mərhələsində keçiriləcək “Qarabağ” – “Bayer 04” (Almaniya) qarşılaşmasının hakimləri açıqlanıb.
Msport.az xəbər verir ki, “CBC Sport” televiziya kanalı vasitəsilə canlı yayımlanacaq oyunu Fransadan olan hakimlər briqadası idarə edəcək.
Baş hakim: Benoit Bastien
Baş hakimin köməkçiləri: Hiçam Zakrani, Aurelien Bertomieu
Dördüncü hakim: Ceremi Piqnard
VAR: Benoit Millot
AVAR: Erik Uattelye
Hakim-inspektor: İçko Lozev (Bolqarıstan)
Qeyd edək ki, martın 7-si Tofiq Bəhramov adına Respublika stadionunda gerçəkləşəcək matç saat 21:45-də start götürəcək. Cavab görüşü bir həftə sonra Leverkuzendə olacaq.
