"Qarabağ"dan qələbə, "Sumqayıt" uduzdu
Misli Premyer Liqasının VI turunda daha 2 oyun keçirilib.
Msport.az xəbər verir ki, günün ilk matçında “Sumqayıt” Şamaxıda yerli komandaya uduzub – 0:1.
Digər oyunda isə “Azərsun Arena”da “Səbail”i qəbul edən “Qarabağ” 2:1 hesablı qalibiyyətə sevinib.
“Köhlən atlar”ın heyətində 5-ci və 55-ci dəqiqələrdə fərqlənən Leandro Andrade dubl müəllifi olub. Paytaxt təmsilçisinin yeganə qoluna isə 58-ci dəqiqədə Fərid Nəbiyev imza atıb.
Qeyd edək ki, açılış matçında “Araz-Naxçıvan” “doğma divarlar” arasında “Kəpəz”ə 1:0 hesabı ilə qalib gəlib. Turun ikinci görüşündə isə “Şamaxı” “Sumqayıt”a minimal hesabla qalib gəlib.
