“Qarabağ”ın rəqibi baş məşqçini istefaya göndərdi
“Qarabağ”ın Avropa Liqasının qrup mərhələsindəki rəqiblərindən olan Yunanıstanın “Olimpiakos” klubu baş məşqçisi Karlos Korberanla yollarını ayırıb.
Msport.az xəbər verir ki, bu barədə Pirey təmsilçisinin rəsmi saytı məlumat yayıb.
39 yaşlı mütəxəssis Yunanıstan çempionatının 5-ci turu çərçivəsində ötən gecə baş tutan “Aris”lə səfər matçındakı 1:2 hesablı məğlubiyyətdən sonra istefaya göndərilib. İspaniyalı baş məşqçi avqustun 2-də bu posta təyin olunmuşdu.
“Qarabağ” “Olimpiakos”a qarşı ilk oyununu oktyabrın 6-da səfərdə, növbəti görüşünü isə bundan bir həftə sonra Bakıda keçirəcək.
