"Qarabağ" pis komanda deyil - "Ferentsvaroş"un hücumçusu
“Ferentsvaroş”un hücumçusu Frank Boli Çempionlar Liqasının III təsnifat mərhələsinin “Qarabağ”la oyunundan danışıb.
Msport.az xəbər verir ki, “nemzetisport.hu”ya istinadən xəbər verir ki, 28 yaşlı forvard ÇL-də asan rəqiblərin olmadığını deyib:
“Çempionlar Liqasında asan oyunlar olmur. Mən hələ ki “Qarabağ” haqqında geniş məlumata malik deyiləm. Lakin bilirəm ki, onlar da bizim kimi Çempionlar Liqasının qrupunda çıxış ediblər. Ona görə də “Qarabağ” pis komanda ola bilməz. Biz Azərbaycan klubu ilə görüşə yaxşı hazırlaşırıq. Cərşənbə günü səfərdə keçirəcəyimiz oyuna qədər məşqçilər korpusundan rəqib haqqında bütün ingormasiyaları alacağıq.
Lakin indi əsas diqqətimizi “Puşkaş Akademiyası” ilə Macarıstan çempionatındakı ilk oyunumuza yönəldəcəyik. Çünki çempionat da bizim üçün vacibdir”.
Xatırladaq ki, “Qarabağ”la “Ferentsvaroş”arasında ilk oyun avqustun 3-də saat 20:00-da Tofiq Bəhramov adına respublika stadionunda olacaq.
