"Qəbələ" "Keşlə" ilə oyunda xal itirdi - Video
Azərbaycan Premyer Liqasında XXI turun oyunları keçirilir.
Msport.az xəbər verir ki, “Qəbələ” öz meydanında “Keşlə” ilə qarşılaşıb. Oyun 1:1 hesabə ilə başa çatıb.
İlk qolu 32-ci dəqiqədə “Keşlə”nin futbolçusu Merab Giqauri vurub. Fasilədən dərhal sonra meydana daxil olan Omar Hani 47-ci dəqiqədə tarazlığı bərpa edib.
51-ci dəqiqədə qonaqlar azlıqda qalıb. Tərlan Quliyev top uğrunda mübarizə zamanı Rafael Utziqi vurmağa cəhd etdiyi üçün birbaşa qırmızı vərəqə alıb.
Bu nəticədən sonra xalını 34-ə çatdıran “Qəbələ” 4-cü, 20 xala malik “Keşlə” 6-cı pillədə qərarlaşıb.
“Qəbələ” – “Keşlə” – 1:1
Qollar: Merab Qiqauri, 32 (0:1), Omar Hani, 47 (1:1)
Qırmızı vərəqə: Tərlan Quliyev, 51 (“Keşlə”)
