Qurban Qurbanov: "Çatışmazlıqları aradan qaldırmağa çalışacağıq"
“Komandada çatışmazlıqlar var və çalışacağıq ki, bunları aradan qaldıraq”.
Msport.az xəbər verir ki, bunu “Qarabağ”ın baş məşqçisi Qurban Qurbanov Bakıda Xorvatiyanın “Dinamo”(Zaqreb) klubuna 0:2 hesabı ilə uduzduqları UEFA Çempionlar Liqasının pley-off mərhələsinin cavab oyunundan sonra mətbuat konfransında deyib.
Təcrübəli mütəxəssis məğlubiyyətə görə üzgün olduqlarını bildirib: “Futbolçularım əziyyət çəkdilər. Azarkeşlərimizə də öz təşəkkürlərimi bildirmək istəyirəm. Sonadək bizi qələbəyə səslədilər. Fərqlənmək üçün bir neçə imkanımız oldu. Təəssüf ki, qol hesabını aça bilmədik. “Dinamo” 2 oyunda bizə 5 qol vurubsa, əlavə nəsə deməyə ehtiyac yoxdur”.
Qeyd edək ki, Zaqrebdəki “Maksimir” stadionunda baş tutan ilk matçda “Dinamo” 3:0 hesablı qələbə qazanmışdı
