Qurban Qurbanov: “Futbolçuları istədiyim kimi hazırlaya bilmədim"
“Çox vacib oyuna çıxırıq”.
Msport.az xəbər verir ki, bunu “Qarabağ”ın baş məşqçisi Qurban Qurbanov deyib.
Təcrübəli mütəxəssisin Çempionlar Liqasının III təsnifat mərhələsinin sabah keçiriləcək “Qarabağ” – “Lüdoqorets” (Bolqarıstan) oyunundan əvvəl təşkil olunan mətbuat konfransında fikirlərini açıqlayıb: “Sabah bizi vacib oyun gözləyir. Yaxşı təcrübəsi olan bir komandaya qarşı oynayacağıq. Əvvəlki oyuna nisbətən futbolçuları istədiyim kimi hazırlaya bilmədim. Buna çempionat görüşü səbəb oldu. Ümumilikdə, hazırlıqlar yaxşıdır. İnanıram ki, futbolçular daha yaxşı oyun göstərə biləcək. Çalışacağıq ki, azarkeşlərimiz baxımlı oyun izləsinlər”.
Qeyd edək ki, sabah Tofiq Bəhramov adına Respublika stadionunda keçiriləcək “Qarabağ” – “Lüdoqorets” matçı saat 20:00-da başlayacaq.
