Qurban Qurbanov: "Lion"la oyun bizim üçün çox vacibdir"
“Bu qarşılaşma bizim üçün çox vacibdir”.
Msport.az xəbər verir ki, bunu “Qarabağ”ın baş məşqçisi Qurban Qurbanov Bakıda Fransanın “Lion” klubuna qarşı keçirəcəkləri UEFA Avropa Liqasının Liqa mərhələsinin 5-ci tur oyunundan əvvəl mətbuat konfransında deyib.
Təcrübəli mütəxəssis çox keyfiyyətli komandaya qarşı mübarizə aparacaqlarını bildirib:
“Hədəf azarkeşləri sevindirməkdir. Oyuna pis hazırlaşmamışıq. Çox istərdik ki, azarkeşlərimizi sevindirək və uğurlu nəticə əldə edək”.
Qeyd edək ki, noyabrın 28-də Tofiq Bəhramov adına Respublika Stadionunda təşkil ediləcək “Qarabağ” – “Lion” görüşü saat 21:45-də start götürəcək.
