Rauf Cabarova cəmi 1 turluq cəza - Amma hələ ki ona baş hakimlik həvalə olunmur
Azərbaycan Premyer Liqasının 32-ci turunda “Zirə” – “Turan Tovuz” oyununda (1:3) kobud səhvlərlə yadda qalan Rauf Cabarov cəmi 1 tur təyinat almayıb.
Msport.az xəbər verir ki, referinin Zirədəki qarşılaşmadakı xətalarını AFFA Hakimlər Komitəsinin sədri Barış Şimşek CBC Sport-un efirində etiraf etmişdi.
33-cü turda Premyer Liqada təyinat almayan 38 yaşlı hakim ötən həftə yenidən iş başında olub. Ancaq hələ ki ona baş hakim kimi etimad göstərilməyib. FİFA referisi “Neftçi” – “Şamaxı” oyununda (1:1) 4-cü hakim funksiyasını yerinə yetirib.
Bu tur isə Cabarova Qəbələdə iş tapıldı. O, dünən keçirilən “Kəpəz” – “Neftçi” oyununda (1:3) VAR hakimi idi.
Qeyd edək ki, PFL bu saatlara kimi 35-ci turun bu gün keçiriləcək matçlarına təyinatları açıqlamayıb.
AYXAN