"Ruhumu qorxaq komandaya vermək gücündə deyiləm" - Canni De Byazi
“Komandada xarakter problemi var. Həmişə uduzursansa, daha az boyun əyməli, daha çox qürur və qətiyyət nümayiş etdirməlisən. Hələlik buna təsir edə və ruhumu qorxaq komandaya vermək gücündə deyiləm”.
Msport.az xəbər verir ki, bunu millimizin baş məşqçisi Canni De Byazi İtaliya mətbuatına müsahibəsində deyib.
66 yaşlı mütəxəssis yoldaşlıq görüşlərində Malta və Latviyaya 0:1 hesabı ilə uduzduqlarını xatırladıb: “Vaxtın çox az olması problemdir. Buna baxmayaraq komandada yeni sistemi sınadıq. Milli komandaların problemləri var, 12 gün ərzində Millətlər Liqasında 4 oyun keçirəcəyik. Bunu edə biləcək oyunçularım yoxdur, bəzi şeylər bizi təəccübləndirir”.
De Byazi Azərbaycan seçməsini Albaniya yığması ilə də müqayisə edib: “Hazırda Albaniya millisində hər şey yaxşıdır, keyfiyyətləri var. Qarşımdakı müəyyən çatışmazlıq isə budur ki, biz birlikdə qurduğumuzu həyata keçirmək üçün var qüvvəmizlə mübarizə aparırıq. İndi bunun üzərində işləyirəm. İstəyimi müəyyən müddətə gerçəkləşdirmək üçün mənə vaxt verilib”.
