"Sabah" braziliyalı mərkəz müdafiəçisini transfer etdi
UEFA Konfrans Liqasında çıxış edən “Sabah” yeni transferini açıqlayıb. Msport.az xəbər verir ki, “bayquşlar” İqor Noqeyra ilə müqavilə bağlayıb.
29 yaşlı mərkəz müdafiəçisinin son klubu Portuqaliya təmsilçisi “Çaves” olub. O, buna qədər “Santa Klara”, “Jil Visente” (hər ikisi Portuqaliya), “Fluminense” “Juventude”, “Fiqurense” (hamısı Braziliya), “Mazatian” (Meksika) klublarında çıxış edib.
Braziliyalı futbolçu ötən mövsüm Portuqaliya çempionatında 21 oyunda meydana çıxıb. “Çaves” ötən mövsümün nəticələrinə əsasən Portuqaliya yüksək liqasını tərk edib.
