“Sabah” - “Qəbələ” matçından sonra qalmaqal - VİDEO
Premyer Liqanın 4-cü turu çərçivəsində baş tutan “Qəbələ” – “Sabah” oyununda (0:2) qonaqların ikinci qolunun müəllifi Coy Lens Mikelsin bunu yerli azarkeşlərin qarşısında çılğınlıqla bayram etməsi qalmaqala səbəb oldu.
Msport.az xəbər verir ki, həmin qoldan sonra meydanda yaranmış gərginlik matçdan sonra da davam edib.
Belə ki, oyundan sonra “Qəbələ” azarkeşləri Mikelsi gözləyirdilər. Həmin vaxt “Sabah”ın digər futbolçusu, “Qəbələ”nin sabiq oyunçusu Elvin Camalov onlara yaxınlaşıb azarkeşlərə söhbət etməyə başladı. Bu zaman tərəflər arasında mübahisə yaranıb. Azarkeşlər Camalova “Siz bu akademiyadan çıxmısız və legionerlərə başa salmalısız ki, rəqib azarkeşlərə hörmətsizlik etməyin” deyə irad bildiriblər.
