"Sumqayıt", "Şamaxı" və "Araz-Naxçıvan" cərimələndi
AFFA İntizam Komitəsinin növbəti iclası keçirilib.
Msport.az xəbər verir ki, qurum Premyer Liqada çıxış edən üç klubu cərimələyib.
“Araz-Naxçıvan” VI turda “Kəpəz”ə qalib gəldiyi (1:0) matçdan sonra meydana kənar şəxslərin daxil olmasına görə 800 manat ödəyəcək.
“Şamaxı” isə 700 manat ziyana düşüb. Buna bölgə təmsilçisinin “Sumqayıt”ı məğlub etdiyi (1:0) qarşılaşmada 4 futbolçusunun sarı vərəqə alması səbəb olub.
“Sumqayıt” oyunçuların isinmə hərəkətləri zamanı əsasnamə qaydalarının tələblərini pozması ucbatından 500 manat ödəməli olacaq.
