"Ukraynadan üzr istəməyəcəyik" - Ali Koç
“Fənərbaxça” klubunun prezidenti Ali Koç Kiyev “Dinamo”su ilə Çempionlar Liqası matçında (1:2) baş verənlərə dair açıqlama verib.
Msport.az xəbər verir ki, Ukrayna klubu 2-ci qolu vurduqdan sonra “Fənər” azarkeşləri stadionda “Putin, Putin” qışqırmışdılar.
İstanbul klubunun rəhbəri Ukraynadan üzr istəməyəcəklərini bildirib: “Ukraynadan üzr istəməyəcəyik. Səbəbini də izah edəcəm. Ukrayna səfirinin çox danışmasından sonra o bizdən üzr istəməlidir”.
Xatırladaq ki, Kiyev “Dinamo”su “Fənər” üzərində qələbədən sonra Çempionlar Liqasında III təsnifat mərhələsinə vəsiqə qazanəb.
