Yığmamız FİFA reytinqində irəlilədi
Azərbaycan millisi FİFA reytinqində 2 pillə irəliləyib.
Msport.az xəbər verir ki, Canni De Byazinin baş məşqçisi olduğu komanda hazırda 1151.82 xalla 121-ci sırada qərarlaşıb.
Buna yığmanın yoldaşlıq görüşlərində Moldovanı 2:1, Şimali Makedoniyanı isə 3:1 hesabı ilə məğlub etməsi səbəb olub.
Millimizin 2024-cü il Avropa çempionatındakı rəqiblərindən Belçika (1781.3) 4-cü, İsveç (1558.45) 23-cü, Avstriya (1497.24) 34-cü, Estoniya isə (1186.27) 109-cu sırada qərarlaşıb.
2022-ci ilin son reytinq siyahısına 1840.77 xalla Braziliya başçılıq edir. Aktivində 1838.38 xal olan son dünya çempionu Argentina yığması 2-ci pilləyə yüksəlib. DÇ-2022-nin finalçısı Fransa seçməsi isə 1823.39 xalla üçüncüdür.
Bir pillə irəliləyən Türkiyə seçməsi 1465.38 xalla 44-cü yerdə qərarlaşıb.
