"Zirə"nin rəqibi müəyyənləşdi - Avropa Liqası
Avropa Liqasında 2024/2025 mövsümünün I təsnifat mərhələsinin püşkü atılıb.
Msport.az xəbər verir ki, UEFA-nın İsveçrədəki mənzil-qərargahında keçirilən tədbirdə “Zirə”nin də ilk rəqibi bəlli olub. Premyer Liqanın gümüş mükafatçısı bu raundda Moldova “Şerif”inə rəqib olub.
“Zirə” ilk matçını iyulun 11-də səfərdə, cavab oyununu isə 18-də Bakıda keçirəcək.
Qeyd edək ki, avrokubokların II təsnifat mərhələsinin püşkü sabah atılacaq. “Qarabağ”ın Çempionlar Liqasında, “Sabah”la “Sumqayıt”ın Konfrans Liqasındakı ilk rəqibləri, həmçinin “Zirə”nin növbəti raundda qarşılaşa biləcəyi komanda bəlli olacaq.
