AÇ-ni qazanan ingiltərəli qadın futbolçuların mükafatı açıqlandı - Ronaldonun 1 günlük qazancı qədər
Avropa çempionatında qalib gələn qadınlardan ibarət İngiltərə millisinin futbolçularına 65,5 min avro mükafat təqdim olunub.
Msport.az “Daily Star”a istinadən xəbər verir ki, kişilərin futboluna görə bu çox kiçik məbləğdir.
“Mançester Yunayted”in hücumçusu Kriştiano Ronaldo bir günə təxminən bu dəqər qazanır. Portuqaliyalı futbolçunun həftəlik maaşı isə 458 min avrodur.
2020-ci ildə Avropa çempionatının gümüş medalını qazanan kişilərdən ibarət İngiltərə millisinin üzvləri 300 min avro almışdılar.
Xatırladaq ki, qadınlar arasında qitə çempionatının finalında İngiltərə Almaniyanı 2:1 hesabı ilə məğlub etmişdi.
