AFFA "Neftçi"nin baş məşqçisinin cəzasını qüvvədə saxladı
Apellyasiya Arbitraj Tribunalı “Neftçi”nin şikayətini təmin etməyib.
Msport.az AFFA-nın rəsmi saytına istinadən xəbər verir ki, İntizam Komitəsinin ötən il dekabrın 15-də I Divizionda çıxış edən “Neftçi-2” komandasının baş məşqçisi Rəşad Abdullayev barəsində verdiyi 5 oyunluq kənarlaşdırma cəzası və 400 manatlıq cərimə qüvvədə saxlanılıb.
Qeyd edək ki, Abdullayev “Araz Naxçıvan”la XIV tur matçında 58-ci dəqiqəsində hakimləri təhqir etdiyi üçün qırmızı vərəqə alıb.
