“Kristal Pelas”ın baş məşqçisi istefaya göndərildi
“Kristal Pelas” klubunun baş məşqçisi Pyer Saj istefaya göndərilib.
Msport.az xəbər verir ki, bu barədə “The Sun” nəşri məlumat yayıb.
Fransalı mütəxəssisin müqaviləsinə İngiltərə Premyer Liqasının 10-cu turunda “Liverpul”a məğlubiyyətdən (1:3) sonra xitam verilib. O, cəmi 5 ay idi ki, London klubunda işləyirdi.
Saj bu ilin iyununda Oliver Qlasneri baş məşqçi postunda əvəzləmişdi. Bu mövsüm “Kristal Pelas” onun rəhbərliyi altında 7 oyunda məğlub olub və yalnız 2 görüşdə qalib gəlib.
Saj ötən mövsüm “Lans”a Fransa kubokunu və Liqa-1-in gümüş medallarını qazandırmışdı.
