"Araz-Naxçıvan"dan növbəti qələbə
Azərbaycan Premyer Liqasında XVI tura start verilib.
Msport.az xəbər verir ki, ilk matçda “Araz-Naxçıvan” “Səbail”in qonağı olub.
Qarşılaşma Naxçıvan təmsilçisinin 2:0 hesablı qələbəsi ilə yekunlaşıb. 45+2-ci dəqiqədə Ramon Maçado penaltini dəqiq yerinə yetirib. 56-cı dəqiqədə Bernardo Dias adını tabloya yazdırıb.
Bu nəticədən sonra xallarını sayını 39-a çatdıran Naxçıvan klubu hələlik birinci pillədə qərarlaşıb. “Dənizçilər” 8 xalla sonuncu-onuncu sırada yer alıb.
Günün ikinci matçında “Qarabağ” “Sabah”ın qonağı olacaq.
Qeyd edək ki, turun digər oyunları 8-9 dekabrda gerçəkləşəcək.
