Argentinanın məğlubiyyətsiz oyunlar seriyası qırıldı
Futbol üzrə Argentina yığmasının məğlubiyyətsiz oyunlar seriyası qırılıb.
Msport.az xəbər verir ki, Lionel Skalonenin baş məşqçi olduğu komanda Qətərdə keçirilən dünya çempionatının ilk matçında Səudiyyə Ərəbistanına 1:2 hesabı ilə uduzub.
Asiya təmsilçisi cənubi amerikalıların 36 matçlıq seriyasına son qoyub. Argentina İtaliyanın 37 oyunluq nailiyyətini təkrarlaya bilməyib.
“Tanqoçular” sonuncu dəfə 2019-cu ildə Braziliyaya 0:2 hesabı ilə yenilmişdi.
