AVRO-2024: Almaniya və İsveçrə 1/4 finalda - YENİLƏNDİ
Almaniyada təşkil olunan futbol üzrə Avropa çempionatının qrup mərhələsində 1/8 final oyunlarına start verilib.
Msport.az-ın məlumatına görə, günün ilk matçında İsveçrə və İtaliya yığmaları üz-üzə gəliblər. 2:0 hesablı qələbə qazanan isveçrəlilər 1/4 finala adlayıblar. Son Avropa çempionu İtaliya isə turnirlə vidalaşıb.
Növbəti görüş isə Almaniya və Danimarka seçmələri arasında baş tutub. Bu matçda da qapılara 2 top vurulub. 2 cavabsız qolla qələbə qazanan Bundestim adını növbəti mərhələyə yazdırıb.
AVRO-2024
1/8 final
29 iyun
20:00. İsveçrə – İtaliya – 2:0
Baş hakim: Şimon Marçinyak (Polşa).
Berlin, Olimpiya stadionu.
23:00. Almaniya – Danimarka – 2:0
Baş hakim: Maykl Oliver (İngiltərə).
Dortmund, “Siqnal İduna Park” stadionu.
