“Barselona” Qabrieldən imtina etdi
“Barselona” “Mançester Yunayted”in akademiyasından ayrılan istedadlı futbolçu Cey-Cey Qabrieli heyətinə qatmaq imkanından maliyyə səbəblərinə görə imtina edib.
Msport.az xəbər verir ki, 16 yaşlı futbolçu bir neçə həftə Barselona yaxınlığındakı Kasteldefels şəhərində məşq edib.
Kataloniya klubu onun transferi üçün danışıqlar aparsa da, maliyyə tələblərini həddindən artıq yüksək qiymətləndirib. Rodriqes bildirib ki, Qabrielin keçidinin ümumi dəyəri 350 min avro deyil, təxminən 10 milyon avro təşkil edə bilər. İngiltərə klubuna ödəniləcək 350 min avro yalnız futbolçunun hazırlanmasına görə kompensasiyadır. Ümumi məbləğə agentlərə və vasitəçilərə veriləcək komissiyalar da daxildir.
Gənc hücumçunun karyerasını “Real”da davam etdirəcəyi gözlənilir. Bununla belə, “Mançester Yunayted” futbolçunun ayrılması ilə bağlı hüquqi addımlar atmaq imkanını nəzərdən keçirir.
Qeyd edək ki, Cey-Cey Qabriel bu mövsüm UEFA Gənclər Liqasında “Mançester Yunayted”in U-19 komandasının heyətində Azərbaycanın “Sabah” klubuna qarşı keçirilən görüşdə het-trik edib. İngiltərə təmsilçisi həmin qarşılaşmada 5:0 hesablı qələbə qazanıb.







