Divizion komandalarının cəzası açıqlandı
AFFA İntizam Komitəsinin iclası keçirilib.
Msport.az xəbər verir ki, iclasda I Divizionun 16-cı turunun oyunları ilə bağlı aşağıdakı qərarlar qəbul edilib:
“İmişli” – “Qəbələ-2” oyunundan əvvəl polis nümayəndəsi iclasa gecikdiyinə görə ev sahibi klub 40 manat cərimə olunub. “Qəbələ”nin 4 oyunçusu sarı vərəqə ilə cəzalandırıldığına görə klub 80 manat cərimə olunub.
“Kəpəz-2” – “Zirə-2” oyununda “Zirə”nin 5 oyunçusu sarı vərəqə ilə cəzalandırıldığına görə klub 80 manat cərimə olunub.
“Şamaxı-2” – “Turan Tovuz-2” oyunundan əvvəl PFL-in himni səsləndirilmədiyinə görə ev sahibi klub 80 manat cərimə olunub. Oyundan əvvəl keçirilən iclasda “Turan Tovuz-2” komandasının nümayəndəsi iştirak etmədiyinə görə klub 80 manat cərimə olunub. “Turan Tovuz-2” komandasının 5 oyunçusu sarı vərəqə ilə cəzalandırıldığına görə klub 80 manat cərimə olunub. “Şamaxı-2” komandasının 4 oyunçusu sarı vərəqə ilə cəzalandırıldığına görə klub 80 manat cərimə olunub.
“Səbail-2” – “Qaradağ Lökbatan” oyununda “Səbail”in oyunçusu Xəyal Bədirov ikinci sarı vərəqə ilə meydançadan qovulduğuna görə 1 oyun cəzalandırılıb, klubu 20 manat cərimə olunub.
“Zaqatala” – MOİK oyunundan əvvəl ev sahibi klub meydançanı oyuna hazırlamadığına (qardan təmizləmədiyinə) görə klub 80 manat cərimə olunub. “Zaqatala” – MOİK oyununda PFL-in himni səsləndirilmədiyinə görə ev sahibi klub 80 manat cərimə olunub. “Zaqatala”nın oyunçusu Kamal Kazımov ikinci sarı vərəqə alaraq meydançadan kənarlaşdırıldığına görə 1 oyun cəzalandırılıb, klubu 20 manat cərimə olunub. MOİK-in oyunçusu Cavid Quliyev ikinci sarı vərəqə alaraq meydançadan kənarlaşdırıldığına görə 1 oyun cəzalandırılıb, klubu 20 manat cərimə olunub.
