"Ferentsvaroş" Bakıya yola düşdü - FOTOLAR
UEFA Çempionlar Liqasının III təsnifat mərhələsində “Qarabağ”ın rəqibi olan “Ferentsvaroş” Bakıya yola düşüb.
Msport.az xəbər verir ki, Macarıstan təmsilçisi bu gün səhər yeməyindən sonra Bakıya səfərə çıxıb.
Komanda saat 20:00-da oyunun keçiriləcəyi Tofiq Bəhramov adına Respublika stadionunda məşqə çıxacaq. Saat 19:15-də isə “Ferentsvaroş”un baş məşqçisi Stanislav Çerçesovun mətbuat konfransı keçiriləcək.
Qeyd edək ki, avqustun 3-də Tofiq Bəhramov adına Respublika stadionunda oynanılacaq “Qarabağ” – “Ferentsvaroş” qarşılaşması saat 20:00-da başlayacaq. Cavab matçı avqustun 9-da Budapeştdə olacaq.
