Final oyununun vaxtı açıqlandı
Futzal üzrə Yüksək Liqada 3-cü yer uğrunda oyunun və final qarşılaşmasının keçiriləcəyi tarix müəyyənləşib.
Msport.az Federasiyanın Mətbuat Xidmətinə istinadən xəbər verir ki, hər iki matç mayın 7-də Bakı İdman Sarayında keçiriləcək.
Əvvəlcə meydana bürünc medalın sahibini müəyyənləşdirmək üçün “Neftçi” İK və “Baku Fire” komandaları üz-üzə gələcək. Bu qarşılaşma saat 12:00-da start götürəcək.
Saat 15:00-da isə final oyunu olacaq. “Araz-Naxçıvan” və EKOL ölkə çempionunun adına aydınlıq gətirəcək. Bu görüşdən sonra mükafatlandırma mərasimi keçiriləcək.
Qeyd edək ki, hər iki oyun CBC Sport kanalı vasitəsilə canlı yayımlanacaq.
