"Frayburq" "Qarabağ"la oyundan sonra liderliyi əldən verdi
“Qarabağ”ın UEFA Avropa Liqasının qrup mərhələsindəki rəqiblərindən “Frayburq” Almaniya Bundesliqasında növbəti oyununu keçirib.
Msport.az xəbər verir ki, Kristian Ştrayxın baş məşqçi olduğu komanda VI turda Mönhenqladbax “Borussiya”sını qəbul edib.
Qarşılaşma qolsuz bərabərliklə başa çatıb. “Frayburq!” xallarının sayını 13-ə çatdırsa da, liderliyi əldən verərək ikinci pilləyə düşüb. Birinci sıraya isə “Union Berlin” yüksəlib.
