“Kəpəz”in kapitanı: "Kimlərsə torbamı tikir"
“Bəli, məni əvəzedici heyətə göndəriblər”.
Bunu Msport.az saytına açıqlamasında “Kəpəz”in kapitanı Əli Səmədov deyib.
Baş məşqçi Tərlan Əhmədovun qərarı ilə əvəzedici komandaya göndərilən 25 yaşlı yarımmüdafiəçi bunun səbəbini bilmədiyini söyləyib: “Komandada qruplaşma yaratmağım mümkün deyil. Kapitanam, baş məşqçi daim əsas heyətdə məni oynadır. Niyə qruplaşma yaradım ki? Məqsədim nə ola bilər? Niyə belə olduğunu bilmirəm. Kimlərsə torbamı tikir”.
Onun sözlərinə görə, bu, baş məşqçinin yox, başqalarının işidir: “Yaxın günlərdə hər şey bilinəcək. Səbəbi mənə də maraqlıdır. Mənə heç kim heç nə demir. Hər şey bir anda oldu. Hazırda bu işlə maraqlanıram”.
