“Mançester Yunayted”in gündəmindəki müdafiəçi
“Mançester Yunayted” Premyer Liqanın digər təmsilçisi “Nottingem Forest”in müdafiəçisi Murillonu 2027-ci ilin yayında transfer etmək istəyir.
Msport.az xəbər verir ki, Mançester təmsilçisi 24 yaşlı braziliyalı futbolçu ilə yaxından maraqlanır.
Klubla müqaviləsinin müddəti 2030-cu ilə qədər nəzərdə tutulan Murillo üçün “Nottingem Forest” 95 milyon avro tələb edir.
Qeyd edək ki, “Transfermarkt” portalı müdafiəçinin dəyərini 50 milyon avro qiymətləndirir. Futbolçu cari mövsümdə keçirdiyi 11 matçda 1 məhsuldar ötürmə ilə yadda qalıb.
