Mahir Emreli "Çelsi"yə qarşı oynadı - "Dinamo"ya kömək edə bilmədi
Zaqreb “Dinamo”sunun hücumçusu Mahir Emreli Çempionlar Liqasının qrup mərhələsinin son turunda “Çelsi”yə qarşı oyunda forma geyinib.
Msport.az xəbər verir ki, millimizin üzvü 70-ci dəqiqədə hesab 2:1 London klubunun xeyrinə olarkən Ristovskinin əvəzinə meydana daxil olub. Lakin 24 yaşlı futbolçu rəqib qapısına yol tapa bilməyib. Oyun “Çelsi”nin qələbəsi ilə yekunlaşıb – 2:1.
Mahir Emreli cari mövsüm Çempionlar Liqasının qrup mərhələsində debüt edib.
“Dinamo Zaqreb” bu məğlubiyyətdən sonra qrupda sonuncu yeri tutaraq avrokuboklarda mübarizəni dayandırıb.
