"Milan" 11 ildən sonra çempion oldu!
“Milan” İtaliya A seriyasında 2021-2022-ci illər mövsümünün qalibi olub.
Msport.az xəbər verir ki, Stefano Piolinin komandası son turda “Sassuolo”nu səfərdə 3:0 hesabı ilə məğlub edib.
“Milan” bu qələbədən sonra xallarının sayını 86-ya çatdırıb və 2010-2011 mövsümündən sonra ilk dəfə çempion olub. “İnter” mövsümü 2-ci yerdə başa vurub.
İtaliyada ötən mövsüm “İnter” skudettonu qazanmışdı, buna qədər isə “Yuventus” ardıcıl 9 dəfə çempion olmuşdu.
22 may
20:00. “İnter” – “Sampdoriya” – 3:0
Qollar: Perişiç, 49, Korrea, 55, 57
20:00. “Sassuolo” – “Milan” – 0:3
Qollar: Jiru, 17, 32, Kessie, 36