Millimiz böyük hesabla uduzdu - YENİLƏNDİ
Azərbaycanın qadın futbolçulardan ibarət millisi bu gün Avropa çempionatının seçmə mərhələsində doğma meydanda növbəti matçına çıxıb.
Msport.az xəbər verir ki, Siyasət Əsgərovun rəhbərlik etdiyi kollektiv B Liqasının I qrupunun V turunda, “Liv Bona Dea Arena”da Macarıstan yığması ilə üz-üzə gəlib.
Qarşılaşma qonaqların qələbəsi ilə başa çatıb – 5:0.
Azərbaycan millisinin 4 oyundan sonra 4 xalı var.
Qeyd edək ki, millimiz növbəti oyununu iyulun 16-da səfərdə İsveçrəyə qarşı keçirəcək.
————————————
Qadın futbolçulardan ibarət Azərbaycan millisi bu gün növbəti oyununu keçirəcək.
Msport.az xəbər verir ki, yığmamız Avropa çempionatının seçmə mərhələsində növbəti matçına çıxacaq.
Siyasət Əsgərovun yetirmələri B liqasının I qrupunda son ev görüşündə Macarıstanı qəbul edəcək. Komandamız qalib gəlsə, qrup sonuncusu olmayacağı rəsmiləşəcək. Bu, həm çempionatın pley-offuna vəsiqə qazandıracaq, həm də yığmamız B liqasında qalacaq.
Qeyd edək ki, millimiz dörd gündən sonra səfərdə İsveçrə ilə üz-üzə gələcək.
Avropa çempionatının seçmə mərhələsi
B liqası, I qrup
V tur, 12 iyul
20:00. Azərbaycan – Macarıstan – 0:5
Baş hakim: Jelena Pejkoviç (Xorvatiya)
Liv Bona Dea Arena
