Musanın komandası məğlub oldu
Azərbaycan millisinin hücumçusu Musa Qurbanlının formasını geyindiyi “Yurqorden” İsveç çempionatında növbəti oyununa çıxıb.
Msport.az xəbər verir ki, sözügedən komanda səfərdə “Höteborq”la qarşılaşıb. Görüş meydan sahiblərinin qələbəsiylə başa çatıb – 2:1.
Musa bu görüşün iştirakçısı olub. O, 88-ci dəqiqədə meydana daxil olub və fərqlənə bilməyib.
“Yurqorden” 19 turdan sonra 33 xalla 4-cü sıradadır.
