“Neftçi”də zədəli futbolçuların son durumu açıqlandı
“Neftçi”nin zədəli futbolçuları Ömər Buludov, Azər Salahlı və Eddi İsrafilovun son durumu məlum olub.
Msport.az xəbər verir ki, bu barədə “ağ-qaralar”ın həkimi Şaiq Zöhrablı klubun televiziyasına açıqlamasında deyib:
“Ömər Buludovun əzələsində ikinci dərəcəli dartılma olmuşdu. Bu gündən yüngül hərəkətlərə başlayacaq. Azər Salahlının müalicəsi davam etdirilir. Hazırda komanda ilə yüngül hərəkətlərə başlayıb.
Eddi İsrafilov nəzarət altındadır. Müalifəcələr fonunda məşqlərdə iştirak edir. Ağrıları imkan verməsə və ya təkrarlansa, əməliyyat planlaşdırıla bilər”.
“Neftçi” bu gün Premyer Liqanın II turunda “Səbail”i qəbul edəcək. Oyun saat 20:00-da başlayacaq.
