“Neftçi”nin formasını ilk dəfə geyindiyim üçün xoşbəxtəm”
Braziliyalı hücumçu Mateus Saldanya “Neftçi”də debüt edib.
Msport.az xəbər verir ki, forvard “Zirə” ilə matçda (1:0) start heyətində meydana çıxıb. Sona qədər meydanda qalan hücumçu “ağ-qaralar”da debütü ilə bağlı instaqram hesabında fikirlərini yazıb:
“Neftçi”nin formasını ilk dəfə geyindiyim üçün xoşbəxtəm. Hər oyun inkişaf edəcəyimizə inanıram”.
Paytaxt təmsilçisi Saldanyanı Yaponiyanın “Cef Yunayted İtixara Tiba” klubundan icarəyə götürüb.
