Paris-2024: Cüdoçumuz yarımfinalda – YENİLƏNDİ
Paris-2024 Yay Olimpiya Oyunlarının cüdo yarışları davam edir.
Msport.az xəbər verir ki, bu gün daha iki çəki dərəcəsində qaliblər müəyyənləşəcək.
Azərbaycan millisinin bir cüdoçusu tatamiyə çıxacaq. Dünya və Avropa çempionu Zelim Kotsoyev mükafatlar üçün mübarizə aparacaq. Bugünkü görüşlərə Bakı vaxtı ilə saat 12:00-da start veriləcək.
Kişilər
100 kq
Zelim Kotsoyev yarışa 1/8 finaldan başlayıb. O, Pyotr Kuçeranı (Polşa) ipponla məğlub edərək mərhələ adlayıb. Kotsoyev 1/4 finalda Peter Paltçiklə (İsrail) üz-üzə gəlib. Dünya çempionumuz bu görüşü də aktivinə yazıb və yarımfinala yüksəlib. Cüdoçumuz finala gedən yolda Muzaffarbek Turoboyevlə (Özbəkistan) qarşılaşacaq.
Qeyd edək ki, Paris-2024-ə 9 cüdoçu ilə yollanan millimizin yeddi idmançısı çıxışını başa vurub. Yığmamız turnirdə hələlik bir medal qazanıb. Hidayət Heydərov 73 kq çəkidə bütün rəqiblərinə qalib gəlməklə qızıla sahib çıxıb.
———————————————-
Paris-2024 Yay Olimpiya Oyunlarının cüdo yarışları davam edir.
Msport.az xəbər verir ki, bu gün daha iki çəki dərəcəsində qaliblər müəyyənləşəcək.
Azərbaycan millisinin bir cüdoçusu tatamiyə çıxacaq. Dünya və Avropa çempionu Zelim Kotsoyev mükafatlar üçün mübarizə aparacaq. Bugünkü görüşlərə Bakı vaxtı ilə saat 12:00-da start veriləcək.
Kişilər
100 kq
Zelim Kotsoyev yarışa 1/8 finaldan başlayıb. O, Pyotr Kuçeranı (Polşa) ipponla məğlub edərək mərhələ adlayıb.
Qeyd edək ki, Paris-2024-ə 9 cüdoçu ilə yollanan millimizin yeddi idmançısı çıxışını başa vurub. Yığmamız turnirdə hələlik bir medal qazanıb. Hidayət Heydərov 73 kq çəkidə bütün rəqiblərinə qalib gəlməklə qızıla sahib çıxıb.
